《時代革命》日本人50名の感想
電影《時代革命》嘅第一日天氣惡劣，颱風逼近，但係上映座無虛席。由於我係現場見證左香港嘅民主化運動，有好多痛苦同悲傷嘅場景，我花左一啲時間理清自己嘅情緒。每個香港人嘅情緒都深深印係我嘅心入面，放映過程中我喊左幾次。
睇左《時代革命》。 長達2.5小時嘅2019年記錄。 從大局而言，嚟個係政府同警察未能維護香港人嘅自治權而針對市民嘅暴動。係中國同香港，就好似天安門大屠殺一樣會從歷史中被抹去，電影唔會上映，但我希望世界各地嘅人都可以睇到佢，並將佢留在記憶中。 願榮光歸香港。
我睇左時代革命，開始害怕獨裁權力越來越強大，將民主消滅。
內容緊湊到精神繃緊嘅一套電影…… 電影嘅素材量非常好。有時會插入對香港示威者嘅採訪，佢哋談論嘅確切場景每一個都被投射出嚟，沒有任何遺漏，就好似你係到偷睇佢哋嘅記憶一樣。 152分鐘我甚至冇時間喘一口氣。
《時代革命》令我感受到了電影嘅力量，我被新聞記者嘅本質所震撼，佢哋記錄左真相，而唔係奉承權威。作為一個普選權係理所當然嘅一個日本人，我嘅心情好複雜。 我不能只講一句“我喊左”作總結，必須記住嘅係，電影結尾對觀眾嚟講係佢哋嘅開始。
睇左紀錄片《時代革命》。原本以為通過媒體就可以知道2014年雨傘運動後香港發生左啲乜，但當我見到示威前線拍攝嘅錄像果陣，情況比我預想嘅仲要差，我絕望了。 我聽到好多觀眾嘅聲音，我立即意識到果啲係抽泣聲。 非常痛苦。
我琴日睇左了。俯視嘅影像同係人群中穿梭嘅動態影像互相交錯，營造出一個奇特嘅詩意世界。 染紅街道嘅鮮血具有壓倒性嘅力量。 見證呢種巨大能量嘅出現同消亡。 我無話可說。
整個流程好容易理解，電影解釋左抗爭嘅契機係如何發生，所以我好感激我唔剩只會停留於見到可怕嘅現場而感到震驚上。（儘管你會理解到嚟場抗爭係十分悲慘）不受角度限制嘅逼真影像好容易從視覺上捕捉。
因《逃犯條例》修訂而被動搖嘅香港。 七百萬人口中有兩百萬人參加左抗議活動。好多圖像捕捉左睇起來好似無法無天嘅內戰地區。 警察嘅暴力，年輕嘅抗爭者。 警察拔槍嘅速度堪比動作片。 和平係果到一直都不存在。
時代革命。 一部非常了不起嘅電影。 一部關於香港民主化示威中以貼近年輕人嘅同時，突出抗爭整體畫面嘅剪輯技巧達到非凡嘅水平。 當我目睹公權力如此輕易地越界果陣，我感到不寒而栗。 香港抗爭並非同日本毫無關係。 我希望所有日本人都睇呢套電影。
我能理解到陳先生同試圖幫助年輕人嘅市民。 我希望你地繼續以香港人嘅身份同精神繼續生存落去。 最後導演接受采訪，佢話佢可能會因為係香港講“時代革命”而被捕。 我希望元朗同警察唔好再咁接近（同黑社會保持友好關係）。
睇左時代革命。令人心碎，同時令日本人更認真對待呢場抗爭嘅嘔心瀝血之作。請大家一定要睇！
時代革命，係我睇完之後，有人係放映後喊得泣不成聲，就好似我置身於抗爭當中咁。 另一方面，我想知道好似我咁只能通過電影了解香港嘅現實嘅人可以做啲乜。 從來冇一部電影令我感到咁難以忍受地難堪。
時代革命。 從開始到結束都感到悲傷。 槍擊固之然係無法接受，我唔明白用警棍打同踢躺著嘅人有乜意義。 呢種特別公務員所作嘅暴行同襲擊點可能係正當？ 呢個最差嘅權力行使方法之一。 正因為呢個係現代發生嘅事，我感到悲傷同可怕。
琴日睇《時代革命》嘅時候，驚訝地發現參加示威嘅人真係好年輕（有高中生甚至初中生都有），大多都係回歸後嘅香港出世嘅細路，佢哋怎至唔知道以前嘅香港係點。 最令我感動嘅係呢班細路所追求的“自由”同“香港人”嘅精神。
今日睇左“時代革命”。 途中多次忍住眼淚。 初日放映後， 對於監督嘅說話我無法用言語形容。 香港突然被剝奪自由，呢個係任何香港人都無法想像。然而，呢樣野唔僅限於香港，任何地方都有可能發生。而家嘅日本，應當將呢個歷史分支點牢記於心。
我係 Cinema rosa 睇左“時代革命”。 一部密切關注2019年香港民主化運動嘅紀錄片。 佢描繪左各個年齡層段嘅香港人同試圖奪走自由同民主嘅中國共產黨作抗爭。 為左令更多人了解中共嘅囂張同殘忍，希望可以係更多電影院上映。
睇左《時代革命》。令人沮喪和尷尬嘅係，原來有好多我唔知道嘅事。對於未成年嘅細路被迫做出他們唔應該經歷嘅選擇，我忍耐不住不停抽泣。我認為係能夠睇呢部電影嘅環境生活嘅我哋必須要睇呢部電影。
透過幾位參與香港民主化示威人士嘅說話，了解到香港人對自由嘅渴望。 體會到每個無名公民共享嘅使命同身份。 我無法忍受直視對抗暴政嘅殘酷畫面，但即便係咁，我仍然抱一線希望，無法將目光從不斷強大嘅佢哋身上移開。
一部描述 2019 年香港民主化運動從興起到挫折嘅紀錄片。 當警察嘅國家權力對公民露出獠牙果陣，我睇到佢係有幾咁可怕。 一個好似反烏托邦科幻一樣嘅世界係你眼前，令你不寒而栗。
公權力派黑社會刺殺示威者、市民同警察互相仇恨、理工大學嘅示威活動被武力鎮壓。 係這種情況下，年輕人不甘放棄嘅姿態同關心他人生命嘅良心，都體現出隱弱嘅希望。
睇左，我希望盡可能有更多人睇呢部電影......雖然我唔知呢啲內容係咪適合所有人睇。如果去睇嘅話要注意呢部電影好具刺激性 。 《時代革命》並唔係同日本毫無關係。
我親眼見過回歸前後離開香港嘅人，我被大量1997年後出世嘅世代參與示威嘅事實所衝擊。 我哋必須要理解到連電影名稱都無法係自己嘅家鄉公布嘅痛苦。
走過無數次嘅香港
而家就好似戰場咁……
學生 女性 長者...
不分青紅皂白地針對市民
來自警察同黑社會
無數嘅暴力同子彈
到底佢哋保護左邊個？
憤怒、恐懼、悲傷……
由市民所保護嘅自由去左邊？
複雜嘅香港示威活動令人震驚。 以“Be water”為口號，唔洗等待他人嘅命令，每個人都可以自由行動，就好似連儂牆一樣嘅創意。 從拍攝到咁好嘅電影就可以睇出佢哋高水平嘅表現能力。 呢個就係政府害怕佢哋嘅原因。
當我回憶我以前去香港嘅回憶同我係香港嘅朋友果陣，我忍唔住喊。 我同情父母同孩子之間嘅衝突。果啲衝突就好似考驗緊你有冇已經準備好為自由而戰嘅覺悟咁。
我睇左時代革命。 我去過香港。果到感覺就似一個戰場咁…… 一諗點解會變成咁果陣，我就感到心痛。
我見證左2019年嘅香港。 感謝你製作呢部電影，感謝你將其公之於眾。 導演 Kiwi Chow 講過現實係殘酷嘅。 但與此同時，知道真相等同力量。 相機捕捉到人性表現嘅偉大同豐盛。
緊張嘅時刻冇中斷過，心靈感到非常沉重嘅158 分鐘。 睇到年輕人為自己嘅未來而戰、陳先生努力保護班年輕人、仲有市民前往理工大學嘅畫面，我好感動。
我被一部關於香港嘅紀錄片《時代革命》所震撼。 完場後，大家都拍起手。
係理工大學不斷戰鬥，身心疲憊，久未入睡嘅人們，傳來求救嘅聲音…… 呢啲令人感到撕裂嘅聲音，震撼到我停止呼吸。
今日嘅“時代革命”，令我感到所熟悉嘅香港正不斷消失。 而隨著世界上接二連三嘅慘案發生，亞洲嘅一個城市正在被埋沒，我哋唔可以放棄，我思念從前嘅香港。
作為一個熱愛香港、去過香港無數次嘅人，一諗到呢部電影唔係與自己毫無關係，而係一個熟悉嘅地方變成咁，我就好心痛。 如果你曾去過香港，請睇呢部電影。
一部精彩嘅紀錄片。為左保護被取材者，佢係用假名或者用不完整嘅名。
放映結束後，自發地拍起手。我想再睇一次。
2019年，香港發生要求民主化嘅大規模示威活動。 我震撼到幾乎無法呼吸。 反抗與衝突，就算有少少希望，都會再次被暴力壓制。 離開電影院，走係平常嘅路上，催淚彈同燃燒彈四處飛舞嘅景色重疊係我眼前。 充滿傷痕嘅自由，佢哋嘅勇氣同電影係香港被禁嘅種種事情。 我銘記於心。
從天向下見到嘅人群係最壯觀嘅部分...... 我見到有咁嘅評論，我都係咁認為。
不過，係果到，係我旁邊有位香港年輕人，我感覺佢嘅內心所想同我哋唔一樣，無論我幾咁想靠近佢，都好似有一層隔膜咁。
《時代革命》係示威活動中從多個角度記錄左2019年香港民主運動。 我對“權威”毫不猶豫地對市民施加一系列暴力而感到無言。 並且害怕被認為係理所當然嘅自由會突然被奪走。更可怕嘅係，我唔認為呢啲事同自己無關。可以的話請去睇。 以睇電影嘅形式去作抵抗。
睇左《時代革命》。 反對中國暴政嘅年輕人。 幫助年輕人後勤嘅老年人。 一個係老人旁邊嘅人。所屬救援隊嘅佢喊著咁講 “我只想幫助受傷嘅人”。一個年輕人呼籲保持節制地抗議，並講“唔好搶野”。”每個人都盡自己所能。 就算係咁都唔夠同權力匹敵？
我好累，我想知道點解。係因為今天係澀谷睇左《時代革命》令我覺得自己好似變左香港嘅年輕人之一咁，向防暴警察扔石頭同燃燒彈。如果我係香港人，並且我係果個年代，我會成為佢哋中嘅一員。
睇果陣感到痛苦，但呢個就係現實。 高中生同大學生為左下一代而冒著生命危險保護民主嘅景象同我自己嘅學生時代形成了鮮明嘅對比。
我知道結果係點，我已經覺悟我會感到好痛苦，但我仍認為我哋有責任親眼睇《時代革命》呢個壯觀嘅記錄。 我相信，即使你乜都做唔到，先睇一睇都好重要。睇下放映後導演嘅感想，睇完之後評論一下。 跟著我講嘅去做，你都一定會覺得必睇。
《時代革命》提醒我哋，國家權力只不過係一隻怪物。 一位18歲嘅青年講：（參加遊行）唔係你願唔願意做嘅問題，而係能力同責任嘅問題。正因為正確嘅事件係正確，所以好難作出選擇。
震撼畫面同普通人懇切嘅吶喊令我心痛。你係普通新聞報導中，永遠睇唔到民主化運動現場正在發生嘅事…… 警察殘酷鎮壓手無寸鐵嘅市民。 市民會被橡膠子彈（子彈足以令人致命）、催淚彈、高壓水砲，甚至係真子彈射中。
雖然係日本媒體中只有周庭等少數活動人士受人注目，但我地了解到，有好多無名嘅年輕人正在奮戰，流著血、汗同淚。 日本人甚至唔參加選舉……或者要直到失去民主先知道民主嘅價值。
係被警察毆打同槍擊嘅現場，以及學生被圍堵嘅大學校園裡，總會有一個鏡頭，而鏡頭本身都被攻擊並沾滿左鮮血。 電影中多次飄揚「香港光復，時代革命」嘅旗幟印象深刻。 絕對必睇！
一部關於香港嘅紀錄片，名為《時代革命》。 一部真誠嘅作品。 我只希望電影入面描繪嘅年輕人，就算唔係而家都好，能夠係 10 年或 20 年後以香港人嘅身份重新獲得香港人嘅地方。
人群好似一群小蜘蛛一樣四處逃離，從空中捕捉嘅畫面感覺好強烈。 我認識嘅香港，大家所認識嘅香港，再次令我震驚。雖然我意識到有人想放棄，但同時有人永不放棄。 光復香港。
2019年拍攝香港嘅《時代革命》。 我全神貫注地觀看，當時係新聞上睇到嘅信息只有1/100左右。 邊個進行緊民主化運動，邊個想奪回佢哋失去左嘅野。 乜係民主， 乜係獨裁？ 呢三年，冇武器都仍繼續戰鬥嘅人嘅記錄。
我被獨裁嘅恐怖、香港人對自由嘅熱愛同自豪令我喊左幾次。 民主運動表面上被打敗，但內心深處嘅火還在燃燒。
嚟個唔只係一場示威，更係一場戰爭。擁有後盾嘅警察，變成左暴徒做任何佢哋想做嘅事。 一個背棄人民嘅政府進行掩蓋、操縱、捏造……
導演話，雖然呢個係一個痛苦嘅畫面，但佢希望眾人能夠繼續前進。
我以及日木戰線會繼續毋忘初心，繼續努力。希望大家能subscribe我的Patreon。多謝大家!
引き続き、日本戦線の活動家として尽力致します。Patreonに登録して活動を応援してくれたら嬉しいです。宜しくお願い致します。
いいなと思ったら応援しよう！
