下年去東京做社畜既香港人

自我介紹

我而家係大阪讀書，下年去東京做Front End Developer既香港人。
第一篇既BLOG想用我既母語廣東話黎做介紹自己。
我會係E到分享我係大阪4年既留學生活 ＋ 下年去東京做社畜既故事！！

點解會離開香港？

最大原因係因為現家既香港睇唔到任何出路 / 未來。
我相信每一個香港年青人都會感覺到香港既自由逐漸收縮。
佔中，721事件，加上每日150個中國專才來港。
所以中學畢業就決定黎去外國留學。

黎大阪既感想

黎大阪既第一印象係大阪人真係好熱情！！！！
落機後等機場巴士個時，竟然有個婆婆搭我傘 笑
身為香港人係從來未試過同陌生人吹1個鐘水，
個婆婆仲要送咗粒糖啤我 笑！！

香港🇭🇰

我成日諗我冇黎日本既話，我會係香港做緊咩？
做衝衝子，然後被捕！！
之前都會睇吓香港新聞，但而家蘋果被收皮。
好似成日香港都正面曬，已經冇人監測政府。
雖然絕望，但唔可以失去希望。
最後願光榮歸香港！！