Ensalada de tomates asados con parrochas

Ensalada de tomates asados con parrochas | CRTVG

Hoxe Rafa Durán visitará a Juan de A Horta de Lucinda en Viñós (Arzúa) para recoller tomates do país e facer a fantástica receita de "Ensalada de tomates asados con parrochas".

Ingredientes:

- 2 kg. de tomates grandes

Para o mollo do tomate:

- 1 culleriña de ourego

- 1 culleriña de tomiño

- 1 culleriña de pementa

- 1 culler de perexil fresco

- 1 dente de allo

- Cebola frixida

- Sal

- 2 culleradas de pan relado groso

Nun cunco mesturamos:

- 6 culleradas de AOVE

- 3 culleradas de vinagre

- 1 culler de salsa de soia

Para as parrochas:

- ½ kg de parrochas

- 1 cunca con fariña de garavanzo

- Sal - Aceite de oliva virxe

Para a ensalada de cebola:

- ½ cebola vermella

- ½ cebola branca

- Ceboliño fresco picado

- AOVE, vinagre, sal e pementa

Elaboración: Hoxe os tomates van para o forno. Mesturamos ourego, tomiño, perexil, allo, cebola e pan relado por un lado. Por outro, 6 culleradas de aceite de oliva, 3 de vinagre, unha de soia e un chisco de pementa.

Cos tomates asentámolos nunha fonte de forno, cubrímolos co preparado do pan relado, e mollámolo co aliño. Enfornamos 20 minutos a 200 graos.

Preparamos unha ensalada de cebola cortada en xuliana con aceite de oliva, vinagre e sal. Friximos as parrochas, empratamos, e listo para comer…!!!

Ademais, Isabel Villanueva faralle unha visita a Xoanqui para descubrir que é o que está a cociñar.