Estache bo! 2021.11.5

Tronco recheo de crema de castaテアas | CRTVG

Tronco recheo de crema de castañas

Ingredientes:

Para o biscoito: • 100 gr de fariña • 4 ovos • 6 gr de lévedo • 100 gr de azucre • 1 cullerada de azucre de vainilla • Chisco de sal

Para a crema de castañas: • 1/2 kg de castañas sen pel • 1/2 litro de leite • 200 gr de azucre moreno • 1 rama de fiúncho

Para a cobertura de chocolate: • 250 gr de chocolate para fundir • 100 gr de manteiga • Chisco de sal • 2 culleradas de azucre moreno • 1 cullerada de azucre de vainilla • 2 culleradas de leite

Outros: • Manteiga • 8 castañas enteiras e cocidas • 1 rama de fiúncho fresco • Coco en po

Elaboración: Hoxe pecaremos de lambóns. Escaldamos as castañas durante 5 minutos, pelámolas e cocémolas en leite co azucre moreno e o fiúncho. Por outra banda mesturamos as xemas dos ovos co azucre, a fariña e o lévedo. Incorporamos as claras montadas e mesturamos ben, con movementos envolventes. Enfornamos 12 minutos a 180 graos. Nun cazo derretemos o chocolate axudándonos de manteiga e leite. Incorporamos o azucre e remexemos ata obter a textura desexada. Montamos o tronco, cubrimos co chocolate, empratamos cunhas castañas glaseadas. E listo para comer…!!!