冥契約
前言
大家好，我係啱啱去睇完化石嘅魚毛。
首先多謝大家打開呢篇文來睇。冥契於65彈推出嘅時侯因為其玩手元嘅特色+卡面令我滿懷歡喜咁去玩，然後再一次得到庫庫妖蛇嘅體驗。伴隨66彈嘅推出冥契獲得寥寥無幾嘅卡位，但亦係十分重要嘅補強卡。見到冥契喺日本賽區都出現好幾副優勝，有幾位朋友試完都覺得有唔錯嘅改進，魚毛都決定執筆講一下自己對呢副deck嘅見解兼推廣一下。
呢個係魚毛第一次寫文，所以若果架構欠完整，文理不順煩請客官們見諒了。廢話唔多講，先介紹卡組特色：
冥契優點
1.兩種收頭路線+充分嘅打點
作為紫色但斬殺方式類似白色。冥契可以利用デビルシューター カミュ(6費契煌)效果+合體打快速2+2連擊，亦可以前期偷血後期用魔窟王XV+合體大大力3血過絕甲。魔窟王賦予全場唔比擋亦有前期打唔入時收頭嘅奇效。又開始掛住紫魔神了
2.防守手段
冥相棒カミュ(契仔)本體防穿效果令冥契對上極、突、咒、鋼契等等穿血效可以有一定優勢。
除此，新登場嘅魔神令嬢ヴィヴィアンヌ(大小姐)同校長嘅解場combo容許冥契達成連續踢珠嘅行動，彌補返冥契65彈時靈動直接no guard不足嘅問題。
3.結誓合體可以攞晒兩種資源
因為契仔可以抄效，即使前期未有錢召喚都已經有能力用到踢珠+踢死抽2拉開資源差距。結誓效果若然可以早期做到會幫補到紫色缺錢嘅通病，亦都可以極限淨一core嘅情況下將魔窟王XV拉上lv2砍hand。8 count以上時踢珠改落墳都增加咗斬殺嘅穩定性。
冥契缺點
1.起手幫你穩卡一張
玩得冥契就注定起手會被契仔食咗一個初動手牌嘅機會。雖說蒼、極、獄契都係被迫先攻時契仔會無作為，但仍然可以睇情況先召喚出來。相反冥契就只可以睇起手剩餘四張卡做人，就算有後攻召喚完落場之後冇錢可以做其他嘢，比人解完個仔下turn冇主階煌又可以re:0從零開始嘅鋪場遊戲或者嗌過。調整初動卡數量會係冥契嘅一大課題，否則比人搶後攻輸一半，玩多兩場不如去搵小岡奇犽教你猜包剪揼算。
2.缺乏主階煌臨/跳count手段
暫時冥契可以採用嘅中段主階煌臨就只有魔銃使いミネルヴァーナ(4費煌臨)一種，意味着前中期若然契仔進入魂狀態就只有兩款卡可以救返來(魔銃使&學校)。唔似蒼有地同豬仔、獄可以靠其他邪神系統嘅卡、咒可以用月鬼城觸發破壞。契仔無法攻擊的話，冥契加count手段十分有限。
即使喺順利嘅情況，冥契都需要入到戰鬥先有機會用打效/大小姐去加count，無辨法好似蒼/咒咁主階一波爆發去做魔窟王(想嘅話另見文末65代雙魔七XV砌法)。
3.對Core管理要求稍高
如上述，冥契唔單止自己主階煌臨唔夠，對方回合時倏防守用煌臨都冇幾多款可以採用。防守時大多需要使用魔法、6費契煌比一蚊拉合體、或者大小姐。邊一種手段都需要視乎場上有冇輕減或至少需求兩粒珠。除非早期就滿場開結誓效果，冥契喺初盤依然係缺錢的。砌法上亦令冥契可能無法善用burst/絕甲等等嘅免費防守手段。因此要前期要係保持節奏同留錢防守取得平衡都係一大難處。
4.防守(only解怪)
雖說66彈出完冥契嘅防守面大咗唔少，但主要都係依賴「解場」為手段。為資源節奏最大化而採用純血晶底，冥契難啲採用紫世妨礙或者用白色魔法去守血(本家守血紙Bloody Sabbat你打鼠契就知咩事，玩珠仔遊戲)。面對快攻deck冥契都係凶多吉少了。
順帶一提聖皇環境，自己解人一隻三賢神佢開隻聖皇，自己睇路殺怪。
5.對上速攻/控場deck會難受
冥契因為cost分佈、少主階煌臨等等原因大多前期回合只係set到一兩張地，起壇速度偏慢又缺乏控制手段。對上秘之類嘅快攻deck要另外再考慮紫世作妨礙，但都係治標不治本了。
然後結誓效果要睇自己枱面spirit/地卡數量先會獲得對應嘅資源量。對上一直清場(地)嘅deck會令冥契喺結誓收益同core控制上更吃緊。
Deck List
採用卡種介紹
冥相棒カミュ
作為主編契約獸入面第三高費用嘅4(4) ，カミュ嘅效果可以講係最靈活同時亦係最唔穩定嘅一隻。弱點除咗cost，本體都唔識做資源/解場，因此喺選擇比佢抄效嘅怪要同時衡量到呢兩邊點。手牌有複數地卡時可以優先鋪地做穩個場，落後嘅count數可以由抄效達成一次攻擊跳大量count。
最近X(前Twitter)上可見都多咗採用3張嘅砌法。複數上手一時跳count一時爽，但拍曬成副hand落手元一直卡hand一直爽。咁諗啦：
多仔：穩定跳count，被解唔洗靠煌 再召一隻
1仔：多兩個卡位做運轉
然後選擇抄效嘅卡時個人認為優先度會係：
前期：契仔＞＞校長＞冥王女=大小姐＞brave
中後期依然契仔最優先。再之後就係當開始有墳，可以留3蚊時就要改為大小姐優先。其他需要搵牌定解場就睇情況
採用數：可以3張，視乎手型再削減
スチュデントガール カミュ
需要放手元先有用，但同時放落手元係好蝕嘅一張卡。免soul煌臨可以幫你將開完契仔打效之後先抽到嘅大小姐再放落手元。但切記就咁放佢落手元時，契仔唔係煌臨元冇得再追放一張。
考慮到運轉上呢張卡幫唔到太多，主要作為防禦救仔抄解怪效使用，冇必要落滿。
採用數： 2
デビルシューター カミュ
卡組主軸之一。回復效作為落枱用定抄來連打斬殺都可以。喺對面turn可以用來拉合體做兩個blocker+踢兩珠，從墳拉可以預先配合校長mirage效用合體做彈藥。煌臨條件亦都相較簡單，使用時記得留多一蚊召brave。
加count必發嘅Mark6召喚機器，防守時使用請注意。
採用數：3
魔界七将 パンデミウムXV(魔窟王)
前期抽到會卡，複數上手會卡，中後期準時到就可以。魔窟王XV作為本系列XV位效果係強，但佢作為斬手卡對上絕甲/爆炎擊採用率高嘅環境都少尷尬。然後主階跳唔到count亦令魔窟王冇辦法好似蒼契咁靠主階一波做出來，令65彈時呢張卡係偏難用的。
但66登場嘅大小姐同校長可以利用魔窟王XV作為一套強力踢珠combo，前中期都派得上用場。然後聖皇幹你娘雞掰(ﾒﾟДﾟ)ﾒ
採用數： 2-3
魔銃使いミネルヴァーナ(魔銃使)
本卡組唯一唔睇c數同時係主階煌，主要作為前期救仔+抽牌用。跌hand效配合大小姐服用。OC係打時效可抄，配合6費契煌可以作為連擊Plan斬殺。
但係作為一張spirit，魔銃使係成副你最唔想要拍落手元嘅卡：唔識加count之餘係咩都做唔到。仔落得多冇咁怕斷打效加c，可考慮唔落。
採用數：2 or 0
魔神令嬢ヴィヴィアンヌ(大小姐)
有着無論係解場，補刀定做人頭防守都靈活嘅效果，亦令冥契有機會喺對面回合跳count。純血晶砌法下唯數不多嘅無色擔當，喺現環境裝甲多於卡種抗性嘅情況下更為重要。回收墳頭可以增加後述槍手同冥王女搵卡時嘅靈活性，配合校長可以達成重複利用手元卡牌。效果亦冇限turn一回，夠錢就可以做多幾次。
問題在於抄效對象為墳頭卡，而自己亦只可以從手元特召。使用上要有意識去準備定，因此採用多少少堆墳卡會更好，記得留定3蚊做召喚。
採用數：3
ドミナネリオ魔法学校校長ヴァーズロイ(校長)
加count、補資源、解場三合一，最為優先擺手元然後set上去嘅卡，擺佢就可以滿足契仔防穿血嘅要求。
棄牌配合大小姐抄效用，前期塞埋啲魔窟王同合體落墳有大效益。後期資源量充足，集中解場時稍微卡手，可視手型打2。
採用數：為穩定先打住3
魔銃使いアルタヴァール(槍手)
貴重嘅初動牌之一，Lv1．2常駐效偶有用處。考慮到要落枱，未必可以前期幫契仔過jammer。當做頭turn召喚後幫自己過溶岩海/紅世，6費契煌連擊時過疲勞等等。
採用數：3
冥王女パイモニア
類Searcher + 回收役。Lv2效果係少有嘅地卡對應，但count要求導致未能幫助卡組前期過對方嘅妨礙系地卡。66彈三款新卡都有大必要擺落手元，可以回收大小姐亦可以幫佢做墳，有多落嘅必須。
採用數：2，卡位充足請3
神魔銃エクセンクティー
如同上述嘅強處。另外因為合體條件簡單，同契仔以外嘅怪合體時都可以用到賺資源嘅效果。神魔銃配冥皇女、大小姐同校長等等都有不錯嘅收益，問題就係手推費用......
採用數：3
魔銃剣ヘル・コスティーラ
契仔早期抄效好選擇。加Count同手牌嘅同時解對面怪。但呢副deck前期多brave又係出事嘅節奏，正考慮唔落，空位補回冥王女同Noir Shoot。
採用數：0-2
ドミナネリオ魔法学校
初動但唔洗急住用。雖說容許先1召仔但請衡量被解嘅機會。缺乏主階煌臨、煌臨狀態被重疲就要靠學校拉返契仔，因此去到中期都有機會需要佢配置時效果。
Lv2“藉由式”效果當踢唔死人可以補一刀+放卡。有閒core記得升定lv，可以比到對手少少壓力。
採用數：3
マルグゥル礼拝堂跡
採用純血晶砌法嘅主要原因。強力初動幫助堆墳增手，先一擺低基本上穩撐到自己turn有個標用。
採用數：3
旅団の摩天楼 Revival
基本上係朴實無華嘅初動紙。Set mirage可重用校長，效果扔手都係大小姐嘅基本配合操作。
採用數：3
ブラッディサバト (Bloody Sabbat)
本家防紙，稍廢但仍可一用。上效幫你冇嘢好擺時都有啲收益，加分。
守血效果要去到6count先有用，屆時資源差距可能已經唔足以前半效郁嗰5粒珠去入防守條件。但再唔落真係冇魔法好用了.......
順帶一提可以幫對面地卡降lv。對上大瀧、溶岩海、邊獄塔呢啲可以應急整走佢一條效。
採用數：2
ノワールシュート(Noir Shoot)
純血底一大防紙但可惜相對難用。
無色效果有大小姐cover，重要性冇咁高。然後5 count先減費意味前期都係卡手，擺手元仲直接廢呢條效果。配合後面骨王可以做一波4解
採用數：0-2
未採用/可考慮卡種
因為卡組更新時間尚短，魚毛仲未敢講自己已經摸熟卡位，都額外講講想落/會考慮嘅卡種。
魔神王エル•ブラドXV(骨王)
理論上可以搵位落2。
踢淨一同炸怪效果分佈亦令抄效時有種兩頭唔到岸嘅感覺，防守亦可惜作為對turn煌臨卡冇得好似達貢XV咁直接解怪。仍然可以同Bloody Sabbat做到配合。
血盟十三候ナザレイ(阿sir)
開落墳唔洗特登執都識自己返上手嘅可重用資源，呢個位亦令佢成為校長優秀嘅子彈。純血底打時穩踢二賭中再抽2，雖然唔加count但不過不失。會想落個1。
血盟十三候ザントワネット(Miss)
冥契本家爆烈。爆烈條件sp召+配置時對應面相對較窄，現環境只係對沙灘溶岩海秘契叫有啲用(哈哈 UT派對)。都係無色役，效果幾乎同大小姐重疊又唔賺資源，尷尬。所以血晶點解出完三副都得一張burst好用，我嘅殲滅呢?
審判蛇ツイノムシバミ
強度不容多說。仔唔識加Cost但可以配合體開，採用的話就迫住魔銃使要落滿，brave要多落以方便觸發。本體合Brave就已經有機會開埋抽2效一次補充大量手牌，缺煌臨/一堆brave卡手時都有啲嘢做。
美中不足就冇打效又跳唔到Count，落就打2換走Noir Shoot同增加deck數了。
賢蛇の肖像(畫)
可以先一放低嘅初動，但因為煌臨機會唔多而未採用嘅煌臨Support卡之後採用骨王有機會需要。卡位上少尷尬，可能削減一個摩天樓擠2個位落畫。
オラクル二十一柱XV ザ・デビル (The Devil)
當初構思純血晶底時總共有9款自粉卡(上述數量唔同之餘仲有落60代史萊姆)，然後就諗：咁點解唔落埋The Devil？點解因為冇位了哥
喺血契呢張牌上咗手或許會卡住出唔到，但冥契仔反而可以利用The Devil 抄攻擊時效果。上手不虧，粉中跳出來有lv2效果做妨礙當bonus。暫時嘅優勝list入邊都見到有一副採用(自粉有冥王女、禮拜堂各3) ，請自行考慮嘗試。
後記
魚毛決定寫落筆之前都膽心因為自己賽場經驗淺，加上對deck冇咁專精寫出來嘅睇法會太離地。因此喺度重申本文只係個人見解，唔係話一個“環境最優”、“正解”咁。採用卡數都寫得比較模糊，因為各有各手型，每個人都會有想加減嘅卡。希望讀者喺睇完之後都可以加入自己嘅諗法，有心機嘅慢慢trial and error改出一副自己嘅小茄子同佢快樂嘅老師們。
多謝大家睇到呢度，暫時未有打算出溝血晶以外向同對局分析，我哋有緣再見。
(文：魚毛；捉錯字：魚柳包、魚撚、魚毛s)
延伸閱讀：雙魔七向（65代砌法）
利用禁龍、月鬼城、毀滅之王XV幫補冥契過資源，主階跳count嘅問題。加上月鬼城初動卡大增。砌法可純血可雜質，個人覺得有紫世+額外防紙幾舒服。
防紙用Silent Wall叫做慳一個輕減同多個守法(我都唔知點解唔轉返絕甲)。Over Chariot個人未試過，但唔太鍾意Delta系鎖零血就冇落。
問題就契仔可抄嘅同單次攻擊跳count數偏少，反而依賴喺主階做嘢。防禦卡亦都未叫充足。反正已成開心嘅過去，睇吓就好。
この記事が気に入ったらサポートをしてみませんか？