小鼠工具箱
前言
大家好，我係魚柳包。
想當年係47代入坑，唔經唔覺已經過咗五個block icon。想當年望住隔籬班同學揸住副綠重係天悅呼風喚雨，成班同學無一唔比啲嘢嘅power同rare震撼。到咗今日，望住個card pool出出入入，由斷刀斷咗，到權天強勢加入正名アルパラ，白帝權天雙雙限1，再到契仔登場，令我明白到人來人往，大家都只係人生的過客。唯一不變嘅，就只有收唔齊嘅工具箱同handle唔到嘅hot babes。今日就諗住同大家講下綠重akaアルパラaka綠GS。
小鼠工具箱
係講deck build前，先講下副嘢有咩card pool可用。基本上副嘢嘅concept就係用core boost/ メタ紙拉開相對速度，再加上堆card power極高嘅卡進行強攻，Pick好對環境嘅tech card仲可以令戰術執行更成功。勝利嘅方程式好簡單，資源換贏對面嘅就贏，應對唔到嘅就輸，可以話係睇餸食飯，右手抽乜打乜，比起依賴seeker系搵齊com更睇隨機應變同資源交換。之但係，要應變到之前都要知道自己可以有咩卡揀，而power高嘅卡多魚牛毛，所以喺度就先講一啲現環境會考慮嘅card pool（小鼠工具箱），亦會講少少niche but may work嘅card pick。
你媽一個人在家是嗎？這隻ランポ給你，去成為綠GS大師吧
契約環境基本上副嘢都係會契返個仔。現環境主要會揀相棒狼ランポ（狼仔）或者相棒鮫シャック（鯊魚），主要因為顏色契合綠GS常用地板顏色，同埋資源量合格。以前仲契過下イアン甚至相棒機スターク。另一方面，DRAGON KID 同 MAGICAL CAT嘅黃TB體系係ut環境前都有一戰之力，不過由於Card pick較fix同環境唔係咁容許tag唔到ut嘅軸存在，所以呢篇文會集中討論狼仔同鯊魚。
相棒狼ランポ
狗子作為一隻2-2嘅綠色怪，顏色費用完全正確，後一可以做齊綠世狗子。打時叉1提供嘅資源令你之後嘅core曲線更舒服，下turn有$7保證出到蟻王/劍王獸。同時係你搶血嘅時候唔會食打後/入血burst俾返對面攞返資源。值得一提嘅係oc +BP發生係2 count，後一得5000 BP嘅獄契仔唔夠你撞。整體嚟講，狗子可以令副嘢節奏更快，更早推到你啲power紙做臭對面，係比較多人嘅選擇。
相棒鮫シャック
攻階，打，調度階段。選擇契鯊魚，可以話相等於起手有7 hand裏面揀咩hand對你嘅對局有幫助。正所謂綠重無廢卡，只有現對局唔太啱用既卡，鯊魚正正比到你更好嘅對局掌控權。不過比起狗子，後2如果要做蟻王大機要扯死鯊魚，甚至做唔到劍狗。比起狗子，契鯊魚可以話係用靚core曲線換取揀餸嘅機會，甚至係雙方唔清楚對面deck type嘅時候要對面估你係咩deck。
イアン
伊安係契1-2環境曾經都係個選擇。當環境充斥住先手拍契嘅deck（係你阿臭雞），後一伊安就可以即解對面契，仲送返你$1添。不過3分效率實在太差，後手做唔齊藍世伊安，第二turn會少卡。以前配合時空龍上5c仲可以用大伊安防cut turn。可惜環境中獄契冇搶先嘅必要，伊安暫無用武之地。
相棒機スターク
大概出現過一個星期嘅build。傳說中嘅史塔克工業打工仔，先手拍低比到你下turn狗仔同等嘅資源，仲唔使r人1血上2c添，可以打得慢啲轉多幾次。不過當大家發現搓輸爆剪揼嘅時候會令你嘅Stark等同廢hand嘅時候就無人pick了。
係採用契仔嘅同時，亦可以採用相對應嘅契約煌臨，提供契仔返場機會，繼續賺更多資源。不過亦要考慮counter分配，當採用太多大量轉醒系卡嘅時候，用契煌keep住利用契仔做嘢會卡到轉醒機會，變相大幅減低佢哋嘅card power。同時soul分配亦係注意點。
雷角牙王ビート・ランポ ＆ エクレル・ヴェスパー
5狗比起5蟲會係更常見嘅pick，main有1c嘅時候就可以打2拳叉4，仲可以重疲2件，兼具壓制力，度數同資源，即使手推都唔係好輸蝕。
ヒョウモンパンサー ＆ 潮の刀士マシュバラ
豹煌落去就幫到你過牌。潮刀士對到ut，亦係攻守兼備嘅選擇。
スタードライアン & ドライアン・ザ・シューティングスター & メテオドライアン
契伊安嘅好處就係佢哋嘅契煌都not bad可以入deck，4分可以係唔消耗轉醒機會下過牌。大伊安提供cut turnメタ同oc強襲追度數，其實不錯用。5分伊安仲可以當潮刀士相位互換。
快給我錢！
工具箱裡面一定會有嘅就係我哋嘅推錢人。現環境比起Block 5、6時嘅召效core boost再推其他打手，更傾向打效core boost系。一來佢哋都會帶來控場力/打點，打手嚟講更好用，而且召時食burst/m6好傷。Block 8 更係流行藍綠重，封召時唔影響佢哋運轉。現環境會見到嘅三朵金花分別係蟻王、劍王同埋黑警。
蟻王アント・レス・ロストソード/牙獣の蟻王ビースト アント・レス
蟻王・唔見咗把劍，由聲優box出嚟之後一直係綠GS要員，有住5-3最輕體質，非對手依存core boost企直，仲有旋風2控住對面契仔，簡直係完美卡牌，亦方便再煌臨finish對面。A面Lv2效記得嘅話偶有奇效，做到至少2下blocker。硬係要講佢有咩唔夠好就係整體card power差另外2位做齊嘢嗰陣少少，同埋獄契環境擺咗$1嘅蟻王打過去係會比獄契仔甩返落去Lv1做唔到flash旋風的。不過相信GR2023 re後人手3張，大家又少個理由唔打。
剣王獣ビャク・ガロウX/百獣剣王ビャク・ガロウ・月雅X
劍狗aka月雅天衝，係某屆tcp同學會裡面最強歸來嘅個位。6-3以費用曲線嚟講稍輸蟻王，不過full power撞擊嘅話比蟻王更大力，total做到2 core boost 2重疲2削hand 1疲彈hand 穿1上void，A面亦較蟻王勁，即使爆c都仲有一定戰力。係GR2023後同樣入手難度大減。
光殻刑事マンディ・ブラリス
黑警比起前兩位佳麗其一特色就係非轉醒卡，唔會話6c以上就冇full power，即使大量採用契煌亦唔驚做唔到嘢。係三位裏面，佢單卡最多1 turn叉4係最快的，仲有Lv2-3封burst打得更穩。不過短板亦好明顯，冇mirage set嘅話就只係普通疲2隻，而且唔識重疲，係契約環境盤面壓制力較弱。用佢想full power嘅話要考慮用到6 jammer，甚至neo hand reverse。採用佢嘅話整體節奏會偏速，比較契合5狗採用型綠GS封burst打快，所以較前兩位少見。
如果佢係男嘅話就叫パラディン，女嘅話就叫アルケー好唔好啊？
冇錯，cb pool出嚟嘅都係怪物。兩位合作強卡除咗擔當起副嘢其中一個名嘅由來，更打破咗「合作唔會入表」嘅講法。(醒下啦，bandai唔會搞cb㗎）呢兩位都係有住定勝負能力，完美契合GS玩法嘅卡。
インペリアルドラモン パラディンモード
白帝，6-2綠2藍嘅change，兼具炸怪、out墳、回收change元、回珠嘅雙標打手，用途下至空枱交個炸怪嘗試苟活，單純2+2，回收權天再做過，上至以前有2隻可以互change到窮為止，攻守一體，沒有做不到只有想不到。Change更可以幫你變返走重疲嘅怪，即使食緊increase都可以保持續戰力。過硬嘅實力導致佢2021年7月表限一。
アルケーガンダム
權天，係天使。互相sp入血/破壞時就可以1 cost召喚嘅手牌誘發，打/檔flash比最多$3發揮一系列強大效果。過份公廁嘅登場方式加上效果，亦係你有錢就可以$3 $2 $2咁比下去。同樣係2021年7月表限一。
時空龍クロノ・ドラゴン/時空龍皇クロノバース・ドラグーン
時空龍aka真・時冠化神，4-2全色輕減嘅輕巧打手。打時抽1封burst，入血離場就可以轉醒回soul回復，係有鯊魚/狗子A過嘅情況下可以輕鬆達成穿2，7 cost亦係好用嘅change/煌臨元，因此係2023年5月表限一。不過現時環境充斥flash解場（E.g. 獄/鋼/秘），時空龍與其話係用黎收頭，不如話用黎抽個1順便呃解，前期消耗對面2下解場避免B面成功嗌打穿2。
三賢神ラルヴァンダード
環境的寵兒，The best三神。係增加counter嘅時候$1誘發，提供$1 1 hand，企枱額外提供護hand、全色輕減，Lv3打效更有機會收頭。基本上係免費嘅deck slot壓縮，要挑骨頭嘅話就係複數上手尷尬同正常build前期要攻階先跳到。
用煌臨決勝負吧！黑塔傳說！
綠GS亦會採用一定數量煌臨，作為叉錢打手打後追加打點/攻守解場用。
仮面ライダークローズエボル
目前環境最強力泛用煌臨。煌/打單解加抽2嘅2標打手，不講理嘅資源量，亦係攻守一體嘅機體，係目前環境契約煌臨以外你粒soul可以做到最好嘅move。除咗綠GS，喺其他非契約主打deck經常見到。
戦国将軍ジークフリード・魁
條件最寬鬆嘅泛用煌臨，召/煌時BP 15000以下全解，有留場/抗性就unblock加標。隨著環境OC +BP同ut大大隻，BP參照嘅解枱能力已經大幅降低。比起以前嘅強勢，而家會pick戰齊只當佢係簡單2標打手。話佢條件寬鬆，但同龍我比起嚟，主要分別只係踩唔踩到A面蟻王/風蟲，條件差別基本可忽略。
破壊龍皇ジークフリード・ルドラ
登場時因為類似戰國將軍嘅效果而風靡一時嘅新紫齊，最後都因為經唔起環境考驗退出喺人們眼前。
作為少有可以煌臨喺ut上嘅sp，如果你副deck採用左ut嘅話，新紫齊可能會係你解場卡嘅一個預想外選擇。煌臨時效果應對無抗性、人頭多嘅卡組時會發揮到最大功效。面對時空龍同世界等一眾嘅轉醒留枱紙，新紫齊封遺言更係神來之筆。而打時擬似unblockable 亦有機會幫你偷血。
現時優先採用龍我嘅情況下未必會想pick新紫齊，同為單發卡嘅戰國將軍可以雙徽以上會係更好嘅finisher subplan，睇嚟新紫齊都仲未有上一線煌臨嘅機會住了。
秩序龍機νジークフリード
你遊唯一擬似牌組檢索，只要構築正確就可以因應情況叫brave。即使唔係用專武都有很好表現，自己得1 hand時就叫忍風出換hand抽爽佢，想搏收頭就叫劍刃掉光劍，係隻唔食效打至少2拳嘅打手。另外注意就係唔一定要係合落自己度，可以送禮比隔離朋友。之但係異魔神嘅話建議直接叫異魔神，唔好懶醒叫造兵或者機人諗住精準檢索，因為你永遠唔會知佢係你deck底數上去第幾張先係佢，請因應情況、了解風險後再食用。
インペリアルドラモン ファイターモード
條件幾嚴嘅煌臨，要發揮全部價值通常要配合轟魔/粟米服用，不過做到嘅話就係全枱疲勞兼封白晶/粟米etc既擬似3標打手，亦可以用於防守。
爆裂是遊戲的一環，不爽不要玩
幻惑の隠者騎士バジャーダレス
2021-2023過勞擔當。
防拆安心安全，穩開；3種burst條件，穩踩；core數三上三下都炸，穩解。可以喺解怪防守同時補資源，可以稱佢為近年單卡power頂點之一，以致隱騎喺GS甚至超星等等themed deck都有一席位。
隱騎作為資源卡佢可以補充綠底缺乏嘅手牌，同時亦係優秀嘅（龍我）煌臨元。一張隱騎可以幫斷手嘅綠GS開一條康莊大道出來
一定要批評呢張卡就喺蒼契/綠色系列肆虐嘅環境下，隱騎容易被care而變成一條濕水火柴。面對獄契亦變相少一個burst條件同時都被獄風封效（但隱騎都解到ut，前期叫做仍然有用）。香港環境仍然存在天照、超星、白忍風，面對佢地嘅抗性隱騎嘅抽牌都形同虛設。
採用數2-3，落好落滿。
天蠍皇帝スコル・エンペラー
Core boost+解場擔當。同隱騎一樣嘅防拆效果係加分point。解場效果因為要睇對防手牌數發揮，未必可以作為穩定嘅控場紙。而泵珠一點喺綠主軸卡組個價值都較低，只可以講天蠍皇帝喺紫色比較幫到手。
天蠍皇帝自帶全色減輕，登場後藍標可以作為白帝change嘅減輕，打時亦可以解一隻最低費用嘅怪。必要時手推都未嘗不可。
綠GS burst位都係隱騎補補牌算啦，真係想落都係2隻不能再多。
斬騎士ラグマンティス
香港我最喜愛burst位斬騎應該有第一。擬似穿抗2體疲勞加1隻返deck底，係目前環境其實就係穿抗了。構築上亦有可能set低唔食效，對天照龍神/Nova X最後希望。同隱騎相比之下，斬騎發動條件較單一，強度要中後期先比較好體現，比起做資源加解嘅隱騎/天蠍，斬騎更係單解力特化。
無幻魔人ジャグラス ジャグラー［ウルトラ怪獣2020］
雖然冇抗性，但係JJ係筆者同朋友都幾鍾意嘅pick。手牌增加burst有機會係Main搞到獄契仔，解nexus更係為數不多嘅選擇。Lv2-3效亦可配合brave/龍我2+2。
選ばれし探索者アレックス
The classic，Re Alex 無論係set低cut step定手推做資源都係唔錯嘅卡。單純而家環境獄炎防Cut等令Alex作為防禦手段唔係最可靠，提供嘅資源量係綠GS內叫做僅僅合格，要存活2 turn以上先有賺緊嘅感覺，比起Re Alex個人覺得有單解能力嘅burst會係資源交換遊戲裡面更有用。
闇輝石六将 砂海賊神ファラオム
Block 5、6時代嘅惡夢，個個都會踩咁滯嘅burst，cut turn能力環境中絕無僅有。隨著進入block 7、8，pizza應對冇抗burst，遊戲召效變少，藍狗生存空間慢慢壓縮，到而家已經係環境有強力煌臨deck統治賽場先會用嘅tech pick。之前係雲契meta有唔錯表現，而家除咗對血契仍然致命外，對唔到ut已經令佢冇優先pick嘅理由。
神海賊船カリュプデス号 -女神顕現-
Block 5、6惡夢嘅第二部。伴隨自己藍一色爆烈誘發嘅女顯可以話係一張(1+1)種條件嘅不沈艦。從以前帶出航藍闇cut turn搶hand，到依家可以同天蠍暢遊星河，你副deck越多出奇嘅藍burst女顯嘅突襲力就越高。加上自身高費高BP都可以作為煌臨元/前期blocker，而打效就，爽食6 deck開心。
最近爆炎擊同絕甲作為主要魔法pick嘅情況令女顯大機會砍唔到hand，呢點會喺揀用呢張卡嘅一大考量。再加上對應蒼契而採用嘅各種護手卡(e.g. 五角岩 in 天照)都係射中女顯的嘅一粒流彈。
除非你個底好藍/想試女顯大艦隊一開三，打一到兩個差不多了。
殲滅殻神モーレンカンプ
一副蟲+格鬥Pokemon樣嘅殲滅殻神係暫時(2023/6)唯一會考慮採用嘅「離場時」條件爆烈。離場條件重疲兩隻怪等同自己用兩卡換人三卡嘅價值，作為防禦手不錯。攻時out墳連打除妨礙部分用墳deck都可以作為收頭一個手段。6 費以上burst人均龍我腰帶。
相比隱騎、Polaris、巴魯坦呢幾款，殲滅殻神只係做到場上以卡換卡嘅資源交換，對資源運轉基本上冇幫助。二效亦唔可以expect用到自己貧乏嘅墳去歐拉歐拉人，採用時請考慮其他卡做嘅資源量。
リューマン・ポラリス
少數「轉醒時」發揮後爆烈。 簡單直接嘅抽2配上解sp+nexus封遺言，Polaris都係算一張另類隱騎而又可能存在喺對方care嘅範圍外。使用上小心解場係召效，雖然手推都有價值，但burst人時都可能反踩人burst。
值得一提係識變藍標做白帝輕減。
宇宙忍者バルタン星人［初代ウルトラ怪獣］
巴魯坦係殲滅殼神之前叫做係個堪用嘅離場系burst，召時無色重疲2件再最多抽2，以綠色卡嚟講資源絕對合格，派枱封burst亦有用處。不過burst條件比較弱，唔tag ut同召效問題存在，只可以話係視野外pick用嚟surprised mf對面。
天照機巧・五誓君クマノ・クスビ
五誓君有較稀有嘅nexus配置時發動條件，同時做到單解同叉$1，亦擁有超星使徒對抗手段，係sp/ns落枱效時接近穩發。不過對獄契0作用嘅問題令佢定位只停留係視野外pick。
煌星銃ヴルムシューター
龍我Nova專武。可以喺flash timing前幫自己製做一個煌臨元，同手上各種煌臨做配合係煌星銃最大嘅優點，踩完解枱紙由防守轉到反攻嘅節奏可以好開心。冇採用Nova嘅時候非優先選擇，請當開心樂園餐佢地一set落先嗌 (unless you wanna do the surprise mf move)。
The floor is lava
緑の世界/緑の自然神
作為一副綠色為主軸嘅牌組，無論先後攻都係一張初動卡去幫你增加core以及提供一個前期輕減，甚至可以令你準時先2出蟻皇/後2出劍皇獸再拉開個資源差距以及重疲對面作控場之用。
另外，轉醒之後可以回收返soul珠，可以再進行各種煌臨進攻/防守，相性非常好。
一個比較大嘅缺點係對ut時難轉醒，相對乏力。
青の世界/青き異神
藍世係Block 7登場後一直係con deck要員，對神地系效果加上入血就可以回soul單解，無論攻守定一卡比你踩龍我都有作用。同綠世同理，對唔到ut係現環境時一大硬傷，係偏綠嘅構築未必再係優先選擇。
命の果実 -原種-/命の果実の精ドライアッド
命果原種A面擁有縱橫全game都非常稀有嘅防止效果穿血，再加上基本嘅食血抽1效果，可以防止對手穿死對手。B面係綠色sp攻擊時，鎖sp &創界地只可以移動soul珠，封鎖神技同令對面難以俾錢交防紙。
比較大嘅缺點係轉醒要求係count3或以下，大多數對局都無機會轉醒。佢亦係隨住turn推進價值減半嘅卡，後幾turn抽到唔會優先拍低。
攻擊就係最好嘅防禦！只要活過呢turn嘅話我哋就去結婚啦！
白晶防壁
Re白晶可以話係現環境最穩防禦手段。有count就可以鎖血加上減少穿血效果，防守力相當優秀，係契約環境冇count就防唔到嘅問題亦不復存在。Flash效果甚至可以比$4博打多下收頭，進攻面上都有機會有用。較輸蝕嘅係4-2相對較貴，面對core shoot廢時要留錢預備。
絶甲氷盾
環境入面採用率高嘅手坑防紙，入血後誘發免費cut攻階。手牌抗性亦對手牌干擾系deck嘅戰術有一定妨礙。比較大嘅缺點就係採用率太高，對手會預想到絕甲存在諗如何規避。
氷刃血解/ミブロック・バラガン・オリジン
水刀流血冰刃係首屆tcp同學會裏面最泛用一員。入血誘發嘅單解加cut攻階，B面無論作為煌臨元定Lv2企枱迫對面解亦有作用，change返上手可以重複使用，整體嚟講係power最高嘅防紙。相對之下，短板亦好明顯。一嚟要做晒入血誘發總共要用$3，對面有抗就做唔到cut step，爆count下就只可以用A面flash防一拳/齋彈一隻。
（P.S. 記得佢識set爆裂：））
零ノ障壁
2023年中環境常用魔法。作為全遊暫時唯一應對ut嘅zero counter，零壁喺邪神mega deck推出之後一躍成為唔少人打1-2嘅tech pick。 除左對付賽場上泛濫嘅獄契之外，契約篇嘅血契、雲契、花契同埋前環境霸者嘅天照等等都會被zero counter效果應對。喺core資源充足嘅呢副deck ，對面免費召恐怕唔會有比你count完嘅一日。
假如對方唔受零反呢一套，零壁就只可以作為一張cut階紙咁用。使用上會較卡，又會被防cut將其變成廢紙。建議斟酌使用，環境過後就冇必要落。
覇王爆炎撃
難得自帶手牌抗性嘅手坑，而且上下兩效都可以選擇ut作為對象，達到一卡多解嘅效果。
霸爆最優秀嘅點係可以食血後作為手坑去破壞對方封鎖burst效果不能發動/發揮嘅卡牌，令幻惑隱者騎士之類嘅食血後burst可以發動進行解枱&補充手牌資源等後續效果。不過OC後非合體契約煌臨有唔少過到20000，中後期較乏力。
シーズグローリー/天醒槍ロンゴ・ミニアス
以防守力嚟講，粟米其實偏低。4-2全色flash -7000到0破壞，炸到就轉醒做brave防入血。正常情況下中後期要搵到隻BP7000嘅怪比你解其實無咩可能。反而前期單解對面blocker之後，憑brave效果升Lv條件追標速攻先係粟米價值所在，配合蟻王黑警3 count以上3+3搶頭。Card power 隨每turn減半同爆count下接近冇用係最大問題，因此採用優先度唔高。
Bonk to the horny jail
EVANGELION Mark.06 -カシウスの槍-
Mark 6作為cb嘅朋友仔，其煩人程度令佢on觀察名單already。Game 1 無效召/煌時效加上打擋時抗性，無論係斷對面重要展開點定變身龍我都有作用，因此考慮自己交m6嘅時間點（同幾時自己會踩）係一大要點。雖然對ut/抗性/無魔無力，但成功發動所帶嚟嘅優勢令佢仍然會pick1-2。
龍面鬼ビランバ
逃跑只會有一個結果，但泵珠你就會失去兩樣野。
龍面鬼從2015年開始作為core推進嘅懲罰卡服務左大家8年。當中因為環境變遷可能退下過一線，但喺撰文當下龍面鬼又重回工具箱要員嘅位置。
可以應對各種綠deck、蒼契、獄契，龍面鬼除左令對手還番攞嘅錢，仲要因應攞core數做額外懲罰，喺影響進度嘅同時甚至擔當解場嘅角色。而手坑效果用完之後，10費嘅龍面鬼都係一個優秀嘅煌臨元。對方唔care嘅話裝條腰帶變身龍我解場補手，變個龍機直接收頭，叫做發揮完單卡價值仲可以幫到成副卡組嘅流轉。
即使你係契鯊魚可以濾走佢，打太多龍面鬼都容易造成手牌事故。建議採用時要對目標嘅賽場有少少認識，避免落過多成為累贅卡。
超星使徒スピッツァードラゴン
Pizza 超星使徒spitzer龍係泛用burst對策，宣言burst發動時誘發就可以落地拆burst叉2，雖然隨著遊戲環境推進有好多burst已經唔食效/破棄時誘發，但環境內有佢已經影響burst配置。未必會採用但構築時會諗起佢存在嘅紙。
風蟲円舞/ドルクス・ウシワカ・オリジン
風蟲係最近嘅獄契對策。自己消滅/破壞時誘發重疲2件轉醒，打時疲2件再選發回手，自己係食獄炎/最終契約煌臨時都有方法頂lock turn或擋刀。有佢係手亦令某啲手牌可以變成aggro打法。要講爭少少嘅就係B面5分較弱，獄契環境後未必再採用。
ウルトラマン［シン・ウルトラマン］
真超人喺獄契約未出之前可以話係各式各樣good stuff最愛嘅手坑之一，免費召喚嘅6分人頭同召喚時無視brave炸7費以下，令超人喺契約deck當道嘅時候及時擋走cost唔高嘅中層契約煌臨怪，亦都可以召喚時放soul core黎對應eva初號機嘅AT field，然後可以再用黎煌臨其他卡，呢兩點令超人嘅採用度非常高。可惜隨住獄契約嘅出現，環境上多左零反阻止超人嘅免召同指定唔到ut嘅破壞效都令佢慢慢淡出環境。
博士其實我可唔可以揀契jammer？
バタフライジャマー & バインドエッジ
Butterfly jammer/ bind edge，當初玩家都討論話想限1嘅卡片。佢哋最大價值係佢哋嘅mirage效，攻階開始時重疲對面一張4以下sp/ut，成功重疲嘅話創界地上3珠空間。最主要嘅針對對象係由Block 9嘅契約sp，除咗月光龍同鋼契之外，全部B9契約sp都無辜重疲。
其中唔少契約係要靠打效加count/入攻階做節奏，但係一張jammer重疲就可以直接斷開對方嘅展開&加count速度，一卡可以癱瘓唔少契約deck運轉，控制對面節奏。
而bufferfly jammer更加係一卡三用，係唔同情況都可以發揮作用：
重疲對方sp/ut
自己攻階count魔法
Out墳
雖則jammer講到咁勁，但單睇佢嘅mirage效，中後期佢嘅壓制力難以體現，上手時嘅價值隨turn數減低。構築上除咗專登配合黑警，打到6 jammer嘅時候反而會降低整個構築嘅power。所以話到底係「嘩jammer好勁打齊6博起手有」定淨係2-3博起手有就有冇就算就自己考慮了。
ネオ・ハンドリバース
俗稱換hand draw，mirage效基本可以無視，值得一提嘅係佢換hand唔參照對手，即係話如果大家都係綠色你冇hand我冇hand揸住炮蟲你眼望我眼嘅時候，有佢你就可以2 hand換3夾硬加手。真係比較niche，傾向係黑警配套。
Brave選擇
テッポウナナフシ
Hand蟲係綠GS其中一個重要抽牌來源，綠GS可能有嘅主動抽牌得baby shark、龍我、時空龍、三賢同第二張綠世界，而主階就淨係綠世同hand蟲可以主動抽牌，所以基本上所有綠GS都會採用，地位難以撼動。
轟魔神
轟魔算係一直都唔少人採用嘅brave，喺古時古人會用轟魔神配合海馬人、蟻皇同劍皇獸黎偷走對手hand入面嘅一隻sp，但自從契約編之後，環境提速令呢個combo太難夠珠做，而且偷嘅sp只要唔係契約sp就阻止唔到對手手上扔極都有嘅契約煌臨，加上brave嘅選擇唔少，以上原因令轟魔神近乎絕種。
幻魔神
高貴嘅6色超裝甲分配係左右合體，可以根據戰況考慮擺主打手係邊，為你嘅打手提供更大保障，亦都係唯一一張比到抗性比打手嘅卡，如果覺得一張唔夠可以考慮下位替代機獸魔神，總之好強。
天空の光剣クラウン・ソーラー
光劍作為一把強力單卡brave，最近進入咗限1行列。合體打/擋時叉$1 & step1次回復，即係打至少2+2格/可以擋2次嘅同時做到資源增加。
擁有「天渡」「劍刃」雙系統，秩序龍機可以精準指定「天渡」系統以確保可以起deck入面碎出天空光劍合體，連同秩序龍機打效，可以進行3次2格唔食效嘅攻擊。
如果把刀上咗手都唔係大問題，加速效派呢個battle一隻sp唔俾擋，都係可以精確入血嘅優秀效果。
雖然顏色唔正確，但整體高card power令佢係龍機採用構築會考慮使用。
Niche pick
有啲過咗氣嘅pick都係到順便講下，俾大家少少idea點解用/唔用。
宇宙海賊船ボーンシャーク号/宇宙海賊船ボーンシャーク号 -襲撃形態- & スワロウテイル
直接封殺sp&ut嘅召效，仲封鎖埋3 cost以下嘅神地神托，當初可以打齊3嘅時候基本上對面會毫無體驗，限一之後鮮少再行封召向。
異海人シーホース/異海超人シードラゴン
藍綠封召GS時嘅三號打手。打時2 core boost轉醒砍hand，種族合轟魔正確。而家偏綠底比較吃香令佢應該唔會再見。
超神星龍ジークヴルム・ノヴァ ＆ 煌星銃ヴルムシューター
兼備回血補命，每隻game一次炸手妨害，雙徽嘅finisher。
喺アルパラ之前版本嘅終焉超神綠重作為main pick。當時以食血抽牌地為主軸，超神嘅回血係大幅提升卡組續戰力。現今蟻王劍王宙相較持久比較注重速度，超神亦因而退下戰線。
採用在綠GS要注意，抽唔到煌星銃就係一張巨費雙標白版。連同煌星銃各三服用。
50th 仮面ライダーBLACK RX
同龍我同條件嘅泛用煌臨，全枱疲勞加sp數參照deck底，現環境最大問題係唔tag ut。Lv3加標要$6亦極重，並非優先pick。
[黄の詩姫神]キリン・ムソーシン/[夢想転醒・黄の詩姫神]キリン・ムソーシン
古里梧島pick，可以當係sp版jammer，能suprise mf地停對面機，被解走可以回soul變身龍我。
七大英雄獣ヘクトル
香港人唔知點解好鍾意係咪都pick，覺得可以一卡停唔少deck運轉。但係應對面有限，亦對唔到獄契，卡自己隱騎，價值隨著turn推進會大幅下降，本身節奏差，我係唔明點解要用佢。
ドラグノ真竜 ＆ 星霊黄龍ファンロン
碩果僅存嘅count break，雖然顏色唔正確但叫做勉強有用。龍人真龍係搶血快嘅節奏下可以4 cost登場，大幅board break。黃龍有著唔錯嘅unblock/手牌封鎖能力，可惜費用過重。講到尾其實需要count break嘅對局係已經拖到後期爆count而又要繼續打落去先有用，通常現環境綠GS嘅節奏偏快嘅時候其實抽到其他嘢會更開心，值唔值得pick就由大家判斷了。
ドラグノ覇壊神
土改專員，一卡反你枱，要塞見到會驚。假使間你真係處理唔到某啲nexus可以採用。
絶対音獣ヌビアラ・ヴァティス
Fun fact，絕對音獸加光劍可以好恐怖。
宇宙恐竜ゼットン［初代ウルトラ怪獣］
如果你對穿抗有要求嘅話，初代怪獸積頓其實做到。疲勞指打撞死穿2但係唔tag ut。
三災獣・空災デスト・ジーズ & 三災獣・地災ビヒモドス
現環境泛用board breaker。二災獸係6 count時0 cost拍低就可以過枱，其中空災穿甲unblock較常採用。
兜魔神
亮點在於左合體打時抽1，當你採用埋啲打時回復嘅可以博快手抽到煌臨收頭。不過佢嘅價值係要你大量採用4-5分綠色打時回復系sp先可以完全發揮，比起現環境綠GS常見嘅中速節奏較唔同。
遺跡草原
命果Block 5版，除咗入血抽x仲有封墳護hand效果，令部分依賴墓地資源運轉又無拆地手段嘅deck即停嘅pick。而家綠GS速度偏aggro時最多pick命果原種加綠世6地已經好夠，唔係優先採用。
ゴッドブレイク
3-6各色1輕減魔法，有著防粉同對神地效果，如果你真係日日打神地 deck佢當然可以一卡干擾得好勁，但現環境最多話會卡到未濾到毒騎嘅要塞。話就咁講，佢都係個抽1魔法。後攻可以鯊魚/狗打時飛三賢下turn再1蚊抽個1，當你副deck顏色夠多佢就係免費抽1，客家精神，再差都可以當佢係個deck slot壓縮。
後記
大概係我寫到burst pick一半左右就開始覺得自己寫嘅嘢冇乜料，然後一大班魚毛毛s就開始幫我寫卡整meme。係度真係多謝大家比嘅input。有佢哋呢篇文先3日出到世。希望大家睇完都對現環境嘅greatest卡卡有多少少理解，砌到自己想要嘅嘢。
下次應該會開始寫deck build加啲操作細節。
（文：魚柳包、魚毛s，審：魚撚）
下面擺咗個donate制 隨緣助樂：）
ここから先は
¥ 100
この記事が気に入ったらサポートをしてみませんか？