空創具現化 - 空創導讀
前言
早晨 我係魚。
今次為大家帶嚟嘅係空創deck嘅簡介。魚毛喺70代因為要收頂天神帝比蓋婭用，順便入手完一套空創之後就諗：不如就試下玩埋啦？發現展開其實都冇一開始想像中咁尷尬，對上一般牌組穩定性都尚可以接受，就好開心咁玩咗兩個月。
喜迎71代強化後決定寫篇導讀向大家推廣一下呢副開心deck。雖然自己同「透徹理解」空創肯定仲有一大段距離，但都希望幫到想接觸呢副牌組嘅人。
Deck Concept
有玩過秘契可能會覺得同佢嘅前期差唔多：人頭打，比錢生人頭 - 但就缺乏秘契後期嗰種收頭手。兩副deck節奏不同之處在於空創基本上只有攻階期間先加到count，同埋唔存在秘契大契煌/裡契煌一類大量資源或人頭展開。
Gameplan：上3count攞神技嘅同時預判set坑比對面踩撐頭兩turn。到自己turn仲有怪/留最多錢做第一個attacker出嚟，set定burst打，一蚊開下隻人頭，re-set burst重複直到kill。防守必要時用雙頭犬/締皇顯現+nx防守同拉血線。
長處
快beat deck，對面前期踩到你一個細burst/冇解枱都可以做到下turn kill
資源量叫做有幫緊你：補hand充足，補core嘅卡都有
啲卡效算攻守一體：對面係一格一格車/受效受擋嘅deck，用上爆裂+顯現你嘅防守可以好硬
冇乜人玩開：對面唔熟你副嘢，張張都要睇效玩踩地雷咁
短處
基本上靠人頭數做打點，撞上解場系deck（e.g. 咒鬼）/踩超星使徒拆burst會被斷展開/斷收頭
咩效都有啲 但咩都唔精：冇單體強力收頭，系統內冇強力掃枱，展開又未到最順暢，資源又唔係單卡大補
輪轉同spirit單卡強度基本上依賴創界神契約技同契約域，卡神託/被清珠/拆地就停機
對上封burst/抹burst效 = 基本no guard
湧deck對上紫世界就Oh痛苦
超星使徒想成為我的宿敵
排效、set burst嘅決定非常重要，做錯就會比錯坑對面踩、浪費資源甚至斷展開
有明顯缺點但對手未有應對都可以有一戰之力，非常適合同朋友有來有往嘅牌組。練熟咗個流程都習慣諗set定咩burst可以享受到你對手一直踩坑同埋一turn 連續展開嘅快感。
Deck List
卡牌解說
星夜の契約神ウラノス (Uranus)
副deck 90% power所在。因為契約技要求，頭turn要做嘅決定基本上就係上3count。3c之後解放咗契約技就係呢副deck攻守方面嘅power spike。有雞蛇/雪人就簡單後一3c唔洗即刻㩒burst，得其他3費起手可以考慮攞先攻，先2㩒burst attack cancel刷咗count先。
因為可以使用契約技嘅次數主宰副deck運轉，採用數會係2至3(會想有第二張，但抽/神託到第三張會成問題)。
蜜雪冰城(雪人)
50%令人中風50%多謝佢。重要嘅後一上3count卡又可以增手，單跳一c當幫手慳一下攻擊次數嚟上兩張顯現嘅條件3count，但代價係神託唔到。衝量到turn 1打手嘅重要性，加上跳count能力個人係決定打三的。
如果係頂唔順呢個神託miss呢點就調做其他3費初動怪(海馬/雞妖)。
3費幫：兔仔、雞蛇、雞妖
另外3張初動攻擊手。 未夠3count就搶後攻擺低車過去，中後期再諗其他效果價值。
雙頭犬
Power spike二號位。主要用法都係防守面飛出嚟削attacker + reset一個坑比對面踩，相等於慳神地3珠開一次契約技再多送幾樣嘢。換burst效都可以主動破棄去開6費Ladon，又慳做契約域一蚊。呢個主動觸發配合已經喺場上嘅星壞獸可以做到隻4標怪出嚟:
打時set棍破棄發動Ladon(星壞效+1標)>契約域+2count比一蚊開棍直接合體(星壞效+1標，合體+1標)=4格
考慮到卡效喺攻防兩邊都緊要，作為一副beat佢cost曲線都合理會想採用2-3。
另外開burst後回血其實幾常用到。
Ladon(四頭龍)
作為一張破壞後burst效果其實一般：觸發條件冇消滅後、burst效做唔到資源、落完枱就係白卡一張，就因為可以主動破棄觸發咁節省資源，同多偷1core上神地係佢優點。如果想落系統外消破burst可以考慮out。
原初之翼
參考完日本playerみかりBOR嘅構策之後決定落一。喺佢上個版本落封印大地：火山嗰陣配合度會更好，依家就好基本做防吹，自己/對面有地拆吓回珠當bonus。提一下burst效只可以揀自己或對面2張地，冇得各一。
Fd好多地好鍾意吹就打多個都得，如果想走晒地卡就考慮out，淨係得lv2防吹價值一般。
天馬
資源回收。重點佢re-set burst冇限系統，枱面外掛burst怪被解都可以隨便重用(點名霜星 藍闇 超幻獸王)。可2-3。
順帶兩提:
因為星壞獸係Burst相關引申效處理晒先提示召喚，天馬burst效回收嘅星壞獸都可以提示翻。
如果因為對面召效解走re-set嘅天馬冇得開翻出嚟(Q472汎用)。
星壞獸
追人頭 過blocker 罰企 追標過雪壁。
冇burst效+高cost多上手會卡hand，個人覺得唔需要打齊3。召效必發小心踩m6。
頂天神帝
資源人。冇咩好講落滿
殲滅魔獸
71代意外獲得穿抗人一個，雖然穿到通常都嚟唔切。
生仔效係強但冇乜4-5費怪抵拉，念在離枱burst條件極 強同拉怪係免費賺神託，落2-3。
High-Evolutioner Uranus
未上7count未夠4-5個標前完全卡手。枱面夠輕減手推都幾好用，扣住做防守顯現亦都強。算係係越順佢越幫到你嘅一張卡。
因為你可以隨時因應場上換破壞burst比對面踩，加上呢副deck防守時可以主動交嘅卡都唔多，兩款顯現通常留低做防好啲。
大昂愚龍
神託miss對象之一，打時都唔識加count。
主要價值在上6c免費開+賺手牌+回血拉戰線，單卡power強到好似值得無視個缺點。打2夠。
天地創枚
資源+打點+免費用契約技，key part。
碌棍合神換過隔離可以再開一次免費契約技，turn 1回跟合體張嘢本體。可以參考蚩尤QA。
スクラップビーチ
其實論burst功能係唔差，但作為一副靠spirit輪轉嘅deck多一塊地就有機會卡一次+count/神託。碎出來託唔到都還好，我比一蚊開個打點嗰陣會想拉人頭刷多一下神託等之後set翻張burst，少有會想比同一隻打多吓做嗰隻打效。未上夠count時對上啲明顯係扣血後burst嘅場合，比起回一隻怪我更想係扯死打緊隻怪做attack cancel刷count(但其實就只有後一雪人先會咁)。
雖然佢要開burst後補hand唔係擺低即時賺，但冇限時點幾好的，有時索性turn1配置唔貪做burst。out埋嘅話原初之翼有機會冇地炸，落2-3。Out就一齊削原初之翼個數。
絕甲(防紙)
遇事不決落絕甲。呢副Deck冇乜本家防紙好落都只好搵絕甲頂頂。個人唔考慮白晶，冇咁多錢用。
本家magic少kam，落佢不如落甲。
未採用卡
一部分係71版本之後out咗，一啲係值得考慮但優先度唔高未有卡位就冇落。
幻羅XV
71代前跟みかり嘅idea去試過幻羅向，其實係一張幾好用嘅Finisher。但落完新代卡冇乜deck位就攞咗出嚟。用落感覺就係後期all in單體連打手，對面做解唔到單體大怪就可以扑死佢，但對上紅藍色啲炸最_bp/cost就冇救。
霜精NX
個人用感非常好嘅一張卡。可以開完要用嘅Burst打一波做最後一張set低嘅防紙，召擋時係呢副deck少有嘅吹地吹怪。
利維坦
公開時第一眼睇覺得好強好強，砌嗰陣第一個唔考慮嘅卡。成副deck得4張卡需要keep lv2先有用: high-evolutioner、星壞獸、天馬、雙頭犬，當中有2隻都係開完一次burst就唔太需要保持等級，而全體成員lv cost都只係2粒。比起特登用利維坦上lv好似自己做取捨仲靈活。而且同為食血burst，落佢要換走就會係大昂霜星 咁不如唔落佢。
魚
魚。4費卡turn2先用到又唔一定夠輕減，賺hand今代又有海灘，又冇burst效。個人唔太鍾意嘅一張卡。
海馬
其實冇用。但可以幫手turn 1上3count就提一提。
一費雀仔
好用嘅searcher效，先攻set低定召出嚟都強。雖然神託唔到但效果會幫你補翻一珠。個人感覺身邊多契仔呢啲大機會做攻擊嘅deck要應對時可以採用。位置可能換走雞妖/雪人。
星柱
作為地卡嘅缺點同海灘一樣因此未試用。但上Count+踢神珠針對環境其實值得一試。唔建議同海灘一齊落咁多，個人會覺得係平替。
封印大地：火山
Searcher+輕減。有海灘之後價值低咗。唔落原初之翼嘅話覺得就冇價值了。
陽昇創
基本上等於第二張嘅烏拉諾斯。可以慳少少core做顯現。地卡通用缺點，玩落好想set多次burst先落
マナカ/女王
マナカ係幫到呢副deck補打點，個針對性解場都不無小補。個人用過刷神託好快，神域係有機會用的。另一方面嘅女王聽講有人活用到，但個人就覺得cost小重而效果都未到必須。
可以1
空創神殿/Overfool
靠burst效展開基本上食spitzer注定停機。撞到有機會落spitzer嘅deck嘥兩蚊買保險係緊要的。香港環境應該會見到嘅都係喺契仔軸/gs。落一抽唔到不如唔落，一落就要落2。
Gravity Sphere
Burst拉怪優劣點同黃殲一樣。
Flash個cut step要3血以下先開到大蠢。做防紙Set低唔穩+拉怪防守價值唔大，扣喺手不如絕甲。覺得異畫好靚想落一。
後記
新年假久違地有時間寫一篇導讀，決定揀一副呢兩代玩得最開心又經常比人睇小嘅Deck。如果大家想再多了解空創喺日本店賽嘅表現，可以去留意一下みかり嘅twitter。佢近期都一直有用空創去打店賽，亦都一直有跟佢嗰邊環境調整，相信佢之後都會搵到更適合環境嘅切法。
身邊對呢副deck熟嘅朋友都唔多，大部分都係魚毛個人見解，為求都係拋磚引玉而唔係"跟呢個build就啱了"。最後再一次多謝大家支持呢個幾個月先出一次po嘅小page，我哋下次見。
文- 魚毛